İsrail ordusunun atəşkəs elan olunmasına rəğmən Qəzza zolağında həyata keçirdiyi hərbi əməliyyatlar davam edir.
"Operativ Məlumat Mərkəzi-OMM" xəbər verir ki, Qəzzadakı Səhiyyə Nazirliyi tərəfindən yayımlanan son rəsmi məlumatlarda 2023-cü ilin oktyabr ayından bəri baş verən can itkiləri ilə bağlı statistikalar yenilənib.
Rusiya Suriyadakı hərbi bazasından qoşunlarını çıxarır
Hesabata əsasən, son 24 saat ərzində bölgədəki xəstəxanalara 2 nəfərin meyiti gətirilib, 9 nəfər isə müxtəlif dərəcəli xəsarətlər alıb.
Qəzzada atəşkəsin qüvvəyə mindiyi 10 oktyabr 2025-ci il tarixindən bu yana İsrailin hücumları nəticəsində 488 nəfər həlak olub, 1350 nəfər yaralanıb.
Münaqişənin başladığı 2023-cü ilin oktyabr ayından etibarən qeydə alınan ümumi itkilər aşağıdakı kimidir:
- Ümumi can itkisi: 71 662 nəfər
- Yaralıların sayı: 171 428 nəfər
Məlumatda həmçinin qeyd olunur ki, dağıntılar altında hələ də minlərlə cəsəd qalmaqdadır və onlara çatmaq mümkün olmur. Bölgədəki gərginlik fonunda İran tərəfi də bəyanat yayaraq, mümkün müharibə ehtimalına qarşı tam hazırlıq vəziyyətində olduqlarını bildirib.
