ABŞ-dəkı Bayden administrasiyasının Ohayoda kimyəvi fəlakətin xalq sağlamlığına təsirlərini gizlətdiyi iddia edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Sənədlər göstərir ki, Ağ Ev xərçəng riskini bildiyi halda ictimaiyyəti bilərəkdən çaşdırıb.
Bildirilib ki, ABŞ prezidenti Co Bayden administrasiyasının 2023-cü ildə Ohayo ştatında baş vermiş qatar qəzasından sonra kimyəvi sızıntının ictimai sağlamlığa təsirlərini qəsdən gizlətdiyi iddia edilib.
İddia ABŞ-də Hökumət Hesabatlılığı Layihəsi (GAP) adlı müstəqil araşdırma və məlumat verən təşkilat tərəfindən irəli sürülüb.
GAP tərəfindən açıqlanan sənədlərə Federal Fövqəladə Halların İdarə Olunması Agentliyindən (FEMA) məhkəmə qərarı ilə əldə edilən e-poçtlar daxildir.
Sənədlərdə bildirilir ki, Ağ Ev hadisənin əsl miqyasını bildiyi halda, qəsdən ictimaiyyətlə təmasdan qaçıb və sağlamlıq riskləri “ictimaiyyətin panikaya düşməməsi üçün” gizlədilib.
