OMM Redaksiyası
İran İnqilab Keşikçiləri Korpusu (IRGC) Hörmüz boğazının girişində ABŞ tərəfindən idarə olunan dəniz dronunu məhv etdiyini açıqlayıb.
IRGC-nin rəsmi xəbər platforması “Sepah News”un yaydığı məlumata görə, qurumun Hərbi Dəniz Qüvvələri gövdə nömrəsi 5838 olan və “Sail-Dron” tipli pilotsuz aparatı vurub.
IRGC bəyanatında bildirib ki, pilotsuz uçuş aparatının məhv edilməsi ilə onun “aqressiv missiyası”nın qarşısı alınıb.
Hadisə ilə bağlı yayılan görüntülərdə Hörmüz boğazının girişində İran İnqilab Keşikçiləri tərəfindən vurulduğu iddia edilən ABŞ-a məxsus yelkənli dron nümayiş olunur. Görüntünün 11 sentyabr 2026-cı ildə qeydə alındığı bildirilib.
Bu arada ABŞ İranın dəstəklədiyi İraqdakı şiə silahlı qruplaşması “Kataib Hezbollah”a qarşı iqtisadi sanksiyalar elan edib.
ABŞ Dövlət Departamenti bəyanatında bildirib ki, tətbiq olunan tədbirlər İran İslam İnqilab Keşikçiləri Korpusunun “Qüds” Qüvvələrinin İraqdakı Xalq Səfərbərlik Qüvvələrindən istifadə etdiyini, həmçinin terrorizmi maliyyələşdirmək və beynəlxalq sanksiyalardan yayınmaq üçün İraq, BƏƏ, Türkiyə və Livandakı kommersiya şəbəkələrindən yararlandığını göstərir.
