Afət Ziyadqızı
Ukraynanın Baş naziri Yuliya Svırıdenko, Prezident Aparatının rəhbəri Andrey Yermak və sanksiyalar siyasəti üzrə komissar Vladislav Vlasyuk gələn həftənin əvvəlində ABŞ-yə səfər edəcəklər.
"Operativ Məlumat Mərkəzi-OMM" xəbər verir ki, bu barədə Ukrayna Prezidenti Vladimir Zelenski jurnalistlərə açıqlama verib.
Zelenskinin sözlərinə görə, Ukrayna nümayəndələri Vaşinqtonda bir sıra əsas mövzuları müzakirə edəcəklər. Gündəlikdə hava hücumundan müdafiə, enerji məsələləri, danışıqlar prosesi və sanksiyalar yer alır.
Prezident əlavə edib ki, səfər zamanı Rusiyanın dondurulmuş aktivləri ilə bağlı məsələ də Amerika tərəfi ilə müzakirə olunacaq.
