Afət Ziyadqızı
ABŞ Prezidenti Donald Tramp Kanadaya qarşı sərt iqtisadi siyasətini davam etdirərək yeni gömrük rüsumları tətbiq etmək niyyətindədir.
“Operativ Məlumat Mərkəzi – OMM” xəbər verir ki, “RİA Novosti”nin məlumatına görə, “Rusiya Seqodnya” media qrupunun baş direktorunun müavini Aleksandr Yakovenko Trampın hazırda “tsuqtsvanq” vəziyyətində olduğunu bildirib.
Ekspertin fikrincə, İranda və Ukraynada gözlənilən nəticələri əldə edə bilməyən Tramp diqqəti yayındırmaq üçün prezidentliyinin ilk dövrlərindəki taktikasına – Kanadaya qarşı təhdidlərə qayıdır.
Məlumata görə, Vaşinqton və Ottava arasında münasibətlərdə yeni “ticarət müharibəsi” mərhələsi başlayıb.
Avqustun 24-də Tramp 2027-ci il yanvarın 1-dən etibarən ABŞ-də Kanada istehsalı olan avtomobillərə, yük maşınlarına və ehtiyat hissələrinə 50 faizə qədər gömrük rüsumu tətbiq ediləcəyini açıqlayıb.
Bu qərar rəsmi Ottava tərəfindən kəskin tənqidlə qarşılanıb. Kanada Baş naziri Mark Karni ABŞ-nin bu addımını qəbuledilməz hesab edib.
