ABŞ Prezidenti Donald Trampın bu gün Ağ Evdə Qəzza ilə bağlı kritik bir toplantı keçirməsi gözlənilir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, toplantıda insani yardım planı və atəşkəsdən sonrakı dövr müzakirə olunacaq.
ABŞ-nin Yaxın Şərq üzrə xüsusi nümayəndəsi Stiv Uitkoff Qəzza məsələsi ilə bağlı geniş tərkibli bir görüşün Ağ Evdə keçiriləcəyini açıqlayıb.
Uitkoffun sözlərinə görə, bu toplantı Qəzzaya humanitar yardım planı və münaqişədən sonrakı keçid dövrü üçün mühüm qərarları əhatə edəcək.
O, həmçinin bu həftə ərzində Qəzza, İran və Ukrayna ilə bağlı bütün böhranların müzakirə olunacağı bir sıra iclasların planlaşdırıldığını bildirib.
“Ümid edirik ki, bu qarşıdurmalar ilin sonuna qədər həllini tapacaq”, - o bildirib.
ABŞ administrasiyası Qəzzada baş verən soyqırıma qarşı zəif reaksiya verməsi və İsrailin hücumlarını durdura bilməməsi səbəbilə tez-tez tənqid olunur.
Buna görə də, mütəxəssislər bu toplantıdan çıxacaq qərarlara ehtiyatla və şübhə ilə yanaşırlar.
