Tramp Venesuelanı müzakirə etmək üçün neft şirkətlərinin rəhbərləri ilə görüşəcək

ABŞ Prezidenti Donald Tramp Venesueladakı vəziyyəti müzakirə etmək üçün yanvarın 9-da, cümə günü Ağ Evdə neft şirkətlərinin rəhbərləri ilə görüşəcək.

“Operativ Məlumat Mərkəzi-OMM” “Associated Press” agentliyinə istinadən xəbər verir ki, görüşdə Venesuelanın neft sektorunun ABŞ investisiyaları və təcrübəsinə daha geniş şəkildə açılması məsələsi müzakirə olunacaq.

Məlumatda qeyd olunur ki, Venesuela geniş, lakin hazırda çətinliklərlə üzləşən neft sənayesinə xarici investisiyaların cəlb olunması üçün təzyiq göstərir.

Agentliyin mənbəsinə görə, Ağ Evdə keçiriləcək görüşdə “Exxon”, “Chevron” və “ConocoPhillips” şirkətlərinin nümayəndələri iştirak edəcəklər.