Humanitar yardım daşıyan ən azı 200 yük maşını, həmçinin dörd yanacaq və dörd qaz çəni "Rəfah" keçidindən Qəzza zolağına daxil olub.
"Operativ Məlumat Mərkəzi-OMM" xəbər verir ki, bu barədə İsrail Hökumətinin Fələstin Ərazilərində Fəaliyyətlərinin Koordinasiyası İdarəsi X sosial şəbəkəsindəki səhifəsində məlumat yayıb.
"Qəzza zolağının şimal və cənub bölgələrinə humanitar yardım çatdırılıb. Buraya qida, su, müvəqqəti yerləşdirmə mərkəzlərinin işinin təşkili üçün ilkin tələbat malları, həmçinin dərmanlar daxildir".
