İyulun 19-na keçən gecə Ukraynanın Odessa şəhərinə kütləvi hava hücumu edilib. Hava hücumu zamanı kamikadze dronunun çoxmərtəbəli binaya endirilməsi nəticəsində bir neçə mərtəbə yanıb, bir qadın ölüb.
Bu barədə "Operativ Məlumat Mərkəzi-OMM" Ukraynanın Fövqəladə Hallar üzrə Dövlət Xidmətinə istinadla xəbər verir.
Bildirilib ki, xilasedicilər könüllülərlə birlikdə yanğını söndürüblər. Yanan mənzillərdən 5 nəfər xilas edilib. 10-a yaxın mülki şəxs xəsarət alıb.
Dağıntılar təmizləndiyindən ölən və xəsarət alanlar haqqında məlumatlar dəqiqləşdirilir.
Qeyd edək ki, iyulun 18-də axşam saatlarından başlayaraq ruslar Ukraynaya doğru ballistik raketlər və pilotsuz təyyarələr atıblar. Gecə vaxtı Kiyevdə pilotsuz təyyarənin hücumu nəticəsində ilk nəticələr qeydə alınıb - dron parçası Darnitski rayonunda yaşayış binasının üzərinə düşüb.
