İsrail hakimiyyəti ABŞ prezidenti Donald Trampı ölkənin ən yüksək mülki mükafatı — Prezidentin "Şərəf" medalı ilə təltif edib.
"Operativ Məlumat Mərkəzi-OMM" xəbər verir ki, bu barədə İsrail prezidenti İsaak Hersoqun ofisi məlumat yayıb.
Bildirilib ki, mükafat Trampın Qəzza zolağında israilli girovların azad edilməsinə verdiyi töhfəyə görə təqdim olunur.
Medalın təqdimat mərasiminin yaxın aylarda baş tutacağı, dəqiq tarix və məkanın isə hələlik müəyyən edilmədiyi qeyd olunub.
“Prezident Trampın irsi İsrail və yəhudi xalqı tərəfindən gələcək nəsillər üçün xatırlanacaq. Onun yorulmaz səyləri təkcə girovların azadlığına deyil, həm də Yaxın Şərqdə təhlükəsizlik və əməkdaşlığa əsaslanan yeni dövrün başlanğıcına xidmət edib”, - Prezident Hersoq bəyan edib.
Mükafatın elan edilməsi Trampın İsrailə bazar ertəsi başlayan səfəri ilə eyni vaxta təsadüf edib.
