Afət Ziyadqızı
İsrail ABŞ Prezidenti Donald Trampın Qəzza zolağı üzrə girovların azad edilməsini nəzərdə tutan sazişin imzalanması halında ölkəyə mümkün səfərinə hazırlaşır.
"Operativ Məlumat Mərkəzi-OMM" xəbər verir ki, bu barədə "Ynet" öz mənbələrinə istinadən məlumat yayıb.
"Tramp müharibənin sona çatmasını və Qəzza zolağında girovların azad edilməsini qeyd etmək üçün regiona səfər etmək istəyəcək. Hazırda hər şey Şarm əl-Şeyx (Misir) danışıqlarının nəticələrindən asılıdır, lakin perspektivlər ümidvericidir", - mənbə bildirib.
