Hindistanda ildırım vurması nəticəsində 10 nəfər ölüb

Hindistanın Bihar ştatının şərqində musson yağışları zamanı ildırım vurması nəticəsində azı 10 nəfər ölüb.

"Operativ Məlumat Mərkəzi-OMM" xəbər verir ki, bu barədə yerli "Deccan Herald" qəzeti məlumat yayıb.

Hadisə insanlar tarlada işləyərkən baş verib. Bir gün öncə isə Biharda 12 nəfər ildırım vurmasının qurbanı olub.

Rəsmi məlumatlara görə, 2022-ci ildə Hindistanda ildırım vurması nəticəsində 907 nəfər ölüb.