İsrail ordusu HƏMAS üzvlərinin məktəblərdə və yaşayış binalarında gizlənmək ehtimallarını nəzərə alaraq Qəzzada reyslər keçirməyə davam edir.
"Operativ Məlumat Mərkəzi-OMM" xarici KİV-ə istinadən xəbər verir ki, əməliyyatlar zamanı 25 terrorçunun məhv edildiyi, təxminən 50 terrorçunun isə ələ keçirildiyi açıqlanıb.
Onlardan bəzilərinin könüllü şəkildə təslim olduğu bildirilib.
Müdafiə qüvvələri həmçinin Xan Yunis şəhəri də daxil olmaqla, Qəzza zolağında havadan və qurudan intensiv hücumlar həyata keçirir. HƏMAS müdafiə nazirliyi rəsmiləri səhər saatlarında Qəzzanın şimalında 14 nəfərin öldüyünə dair məlumat yayıb.
Qeyd edək ki, İsrail hərbi qüvvələri HƏMAS-a qarşı keçirilən əməliyatlar zamanı terrorçuların girov götürdüyü 3 İsrail vətəndaşını səhvən öldürüblər. Rəsmilər onların səhvən təhdid olaraq müəyyən edildiyini bildiriblər.
Hadisə İsraildə etirazlara səbəb olub.
