Ekvadorun Quayakil şəhərində həbsxanada baş verən qiyam nəticəsində 31 nəfər ölüb.
"Operativ Məlumat Mərkəzi-OMM"-in məlumatına görə, bu barədə Ekvadorun Baş prokurorluğu məlumat yayıb.
Məlumatda polis əməkdaşları da daxil olmaqla 11 nəfərin yaralandığı bildirilib. Hadisə ilə bağlı iki cinayət iş açılıb, onlardan biri terror faktıdır.
Səlahiyyətlilərin məlumatına görə, həbsxanaya nəzarət bərpa edilib.
