Anar Kərimov

Anar Kərimov hüquq və komplayns sahəsində 18 ildən çox təcrübəyə malikdir; fəaliyyəti bank sektorunda çirkli pulların yuyulmasına qarşı mübarizə, məhkəmə prosesləri, risklərin idarə edilməsi, dövlət və özəl sektorda hüquqi-komplayns dəstəyi və məsləhətçiliyi əhatə edir.

2002-ci ildə Standartlaşdırma, Metrologiya və Patent üzrə Dövlət Komitəsində hüquq məsləhətçisi kimi işə başlayıb. 2004-cü ildə “Azər Türk Bank” ASC-də hüquq məsləhətçisi, sonra “Giləzi Kərpic” şirkətində direktor müavini olub, 2006-cı ildə “BirlikBank”da çalışıb, 2006–2007-ci illərdə “Sumqayıt Elektrik Şəbəkə”nin Hüquq şöbəsinə rəhbərlik edib.

2007-ci ildə Hüquq şöbəsinin mütəxəssisi kimi PAŞA Banka keçib; Hüquq şöbəsinin meneceri, Hüquq və Komplayns departamentinin direktoru, ÇPY-yə qarşı mübarizə üzrə məsul şəxs və müvafiq komissiyanın sədri vəzifələrində işləyib. 5 yanvar 2021-ci ildə Komplayns üzrə baş direktor, 28 oktyabr 2025-ci ildə Hüquq və idarəetmə üzrə baş direktor təyin edilib. Azərbaycan Banklar Assosiasiyasının “ÇPY-yə qarşı mübarizə və komplayns” ekspert qrupunun sədridir.

• Bakı Dövlət Universiteti və Azərbaycan Dövlət İqtisad Universitetinin məzunu
• 2004 — Bakı Dövlət Universiteti, beynəlxalq hüquq, magistr (fərqlənmə diplomu)
• Lüksemburqun Maliyyə Texnologiyalarının Transferi Agentliyinin (ATTF) komplayns üzrə peşəkar sertifikatı