Türkiyədə baş verən zəlzələ ilə bağlı orduda erkən tərxis həyata keçirilməyəcək.
"Operativ Məlumat Mərkəzi - OMM" "TRT Haber"ə istinadən xəbər verir ki, bunu ölkənin milli müdafiə naziri Hulusi Akar açıqlayıb.
Onun sözlərinə görə, tərxislərlə bağlı ertələmə qərarı müzakirə edilmir və proses planlaşdırıldığı vaxtlarda aparılacaq.
Akar qeyd edib ki, zəlzələ bölgəsində yaşayan və ya ailəsi burada olan 10 738 əsgərə müvəqqəti icazə verilib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 31 643 nəfər həyatını itirib.