Almaniya millisinin və Londonun “Vest Hem” klubunun hücumçusu Niklas Füllkruq karyerasını İtaliyada davam etdirə bilər.
"Operativ Məlumat Mərkəzi-OMM" "Calciomercato.com"-a istinadən xəbər verir ki, almaniyalının xidmətində "Yuventus" maraqlıdır.
Söhbət futbolçunun alınması imkanını nəzərdə tutan icarə müqaviləsindən gedir.
Qeyd olunur ki, "Yuventus"un büdcəsi qışda tam hüquqlu transferə imkan verməyəcək.
31 yaşlı alman futbolçu bu mövsüm İngiltərə Premyer Liqasında "Vest Hem"in heyətində cəmi 9 oyuna çıxıb, 2 qol vurub və 1 məhsuldar ötürmə edib.
Hücumçunun ingilis klubu ilə müqaviləsi 30 iyun 2028-ci ilə qədərdir.