Yaponiyada tüğyan edən şiddətli qar yağışı və kəskin soyuqlar ciddi insan tələfatına səbəb olub.
"Operativ Məlumat Mərkəzi-OMM" xəbər verir ki, ölkənin Yanğın və Fəlakətlərin İdarə Edilməsi Agentliyinin (FDMA) yaydığı rəsmi məlumata görə, yanvarın 20-dən bu yana davam edən sərt qış şəraiti nəticəsində 45 nəfər dünyasını dəyişib.
Agentlik rəsmiləri bildiriblər ki, əlverişsiz hava şəraitinin yol açdığı müxtəlif qəzalarda ümumilikdə 543 nəfər xəsarət alıb.
Yaralıların vəziyyəti barədə aşağıdakı detallar qeyd olunub:
- 187 nəfər ağır xəsarətlər alıb;
- 356 nəfər yüngül dərəcəli xəsarətlərlə xəstəxanalara müraciət edib.
Hazırda ölkə ərazisində qarın təmizlənməsi və təbii fəlakətin nəticələrinin aradan qaldırılması istiqamətində işlər davam etdirilir. Mütəxəssislər əhalini ehtiyatlı olmağa çağırıblar.
