Azərbaycanda yanvarın 24-də hava şəraitinin əsasən yağmursuz keçəcəyi gözlənilir.
"Operativ Məlumat Mərkəzi-OMM" xəbər verir ki, bu barədə Milli Hidrometeorologiya Xidməti məlumat yayıb.
Bakıda və Abşeron yarımadasında hava dəyişkən buludlu, arabir tutulacaq, əsasən yağmursuz olacaq. Lakin yanvarın 23-dən 24-nə keçən gecə bəzi ərazilərdə qısamüddətli çiskin ehtimalı var. Şimal-qərb küləyi əsəcək.
Havanın temperaturu gecə 1–3 dərəcə isti, gündüz 5–10 dərəcə isti olacaq. Atmosfer təzyiqi 759 mm civə sütunundan 764 mm civə sütununa yüksələcək. Nisbi rütubət gecə 80–85%, gündüz isə 65–70% təşkil edəcək.
Azərbaycanın rayonlarında da hava əsasən yağmursuz keçəcək. Bəzi yerlərdə arabir duman müşahidə olunacaq, mülayim qərb küləyi əsəcək.
Temperatur gecə 0–5 dərəcə şaxta, gündüz 5–9 dərəcə isti, dağlıq ərazilərdə gecə 5–10 dərəcə şaxta, gündüz isə 0–5 dərəcə şaxta olacaq.
Gecə və səhər saatlarında bəzi yollarda buz bağlama ehtimalı var.
