Xorvatiyanın hazırkı prezidenti Zoran Milanoviç seçki məntəqələrinin 100 faizindən daxil olmuş məlumatlara əsasən, rəqibi Draqan Primoratsdan üç dəfə çox səs toplayaraq qalib gəlir.
"Operativ Məlumat Mərkəzi-OMM" xarici mətbuata istinadən xəbər verir ki, bu barədə Dövlət Seçki Komissiyası (DSK) məlumat yayıb.
Seçki məntəqələrinin 100 faizindən daxil olmuş məlumatlara əsasən, Milanoviç 1 milyon 122 min 859 səs, hakim Xorvatiya Demokratik Birliyi (HDZ) tərəfindən dəstəklənən Primorats isə 380 min 752 səs toplayıb, faiz nisbəti göstərilməyib. Seçici fəallığı 44,18 % təşkil edib.
Milanoviç ölkənin ən böyük müxalif Sosial Demokrat Partiyasına (SDP) rəhbərlik etsə də. konstitusiyaya uyğun olaraq 2020-ci ildə vəzifəyə başladıqdan sonra onun sıralarını tərk edib.
Xorvatiya prezidenti beş il müddətinə seçilir və əsasən təmsilçilik funksiyalarını yerinə yetirir, daxili və xarici siyasəti hökumət müəyyən edir.
