Birləşmiş Millətlər Təşkilatının Uşaq Fondunun (UNICEF) icraçı direktoru Catherine Russell, son 2 gündə Qəzzaya heç bir yanacağın daxil olmadığını bildirərək, şəhərə təcili yanacaq tədarükünə çağırıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Yardımların paylana bilməyəcəyinə işarə edən Russell, "Bütün cəmiyyət onsuz da aclığın astanasındadır. Qəzza təcili olaraq yanacaqla təmin edilməlidir",-deyə qeyd edib.

Finlandiyanın baş naziri Petteri Orpo Rusiya Federasiyası ilə sərhədin açılmasına icazə verib.

"Operativ Məlumat Mərkəzi-OMM" xəbər verir ki, bu barədə Yle Radio Suomi məlumat yayıb.

“Biz sərhəd nöqtəsindən başlamağa cəhd edə bilərik. Və sərhədin hər iki tərəfində əməkdaşlıq olarsa, bu, digərlərinin də açılmasına şərait yaradacaq”, - o bildirib.

Finlandiyalı siyasətçinin sözlərinə görə, Rusiya tərəfində minlərlə insan sərhədin açılmasını gözləyir.

Orpo qaçqınların Rusiyaya qaytarılması ilə bağlı qanun layihəsinin qəbulunu sərhədin açılması üçün şərt kimi qiymətləndirib.

İsrail özəl olaraq İran prezidenti İbrahim Rəisinin helikopter insidenti ilə əlaqəsi olduğunu təkzib edib.

"Operativ Məlumat Mərkəzi-OMM" xəbər verir ki, bu barədə İsrail televiziyası Kanal 13-ə istinadən məlumat yayıb.

Jurnalistlər hadisə ilə bağlı İsraildən heç bir rəsmi şərh verilmədiyini, eyni zamanda rəhbərliyin bu hadisə ilə heç bir əlaqəsinin olmadığını dünya ölkələrinə “aydın şəkildə göstərdiyini” bildiriblər.

Avropa İttifaqı İran İslam Respublikasının Prezidenti İbrahim Rəisi və xarici işlər naziri Hüseyn Əmir-Abdullahiyanı daşıyan helikopterin sərt eniş etməsi barədə xəbərləri diqqətlə izləyir.

"Operativ Məlumat Mərkəzi-OMM" xəbər verir ki, bu barədə Avropa İttifaqı Şurasının Prezidenti Şarl Mişel "X" sosial şəbəkəsindəki səhifəsində yazıb.

"Göyərtəsində İran Prezidenti və xarici işlər nazirinin olduğu helikopterin gözlənilmədən eniş etmək məcburiyyətində qaldığı və onların vəziyyətinin hələ aydın olmadığı barədə xəbərləri diqqətlə izləyirik", - paylaşımda qeyd edilir.

Niger Respublikası Prezidentinin Ofisi ölkənin və ABŞ-nin Müdafiə nazirlikləri nümayəndələrinin birgə komissiyası çərçivəsində Amerika qüvvələrinin bu il sentyabrın 15-dək Nigerdən çıxarılması barədə razılığa gəldiklərini açıqlayıb.

Bu barədə "Operativ Məlumat Mərkəzi-OMM" xarici mətbuata istinadən xəbər verir.

Qeyd edilir ki, tərəflər 15 sentyabr 2024-cü ildən gec olmayaraq başa çatacaq ABŞ qoşunlarının çıxarılması qaydası barədə razılığa gəldilər.

"Bu hərbi müzakirələr tam şəffaflıq və tərəflərin qarşılıqlı hörməti ilə baş verib", - Niameydə yayımlanan kommünikedə bildirilir.

Bildirilir ki, hər iki tərəf Amerika qüvvələrinin çıxarılması prosesində qorunması və təhlükəsizliyinin təminatlarını təsdiqləyib. ABŞ hərbi təyyarələrinin uçuşları və enişləri də daxil olmaqla Amerika hərbçilərinin hərəkətini asanlaşdıran prosedurlar da razılaşdırılıb.

Tərəflər qarşılıqlı maraq doğuran sahələrdə əməkdaşlığı davam etdirəcək, Amerika qoşunlarının çıxarılması isə Niger və ABŞ-nin inkişaf sahəsində əməkdaşlığına xələl gətirməyəcək.

İsrail ordusunun 2023-cü il oktyabrın 7-dən etibarən Qəzza zolağına həyata keçirdiyi hücumlarda ölənlərin sayı son 24 saatda 83 nəfər artaraq 35 min 386-ya çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qeyd olunub ki, İsrailin oktyabrın 7-dən etibarən Qəzza zolağına təşkil etdiyi hücumlarda yaralananların sayı isə 79 min 366-ya yüksəlib. Bəyanatda həmçinin dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qruplarının və mülki müdafiə işçilərinin cəsədlərə çata bilmədiyi bir daha vurğulanıb.