Ukrayna Prezidenti Volodimir Zelenski ölkə ordusunun Rusiyanın ərazisində yerləşən bir sıra mühüm infrastruktur obyektlərinə zərbələr endirdiyini açıqlayıb.
“Operativ Məlumat Mərkəzi-OMM” xəbər verir ki, Zelenski sosial media hesablarında yaydığı bəyanatda Ukrayna Silahlı Qüvvələrinin Rusiyanın hücumlarına qarşı “ədalətli cavab verməyə” davam etdiyini bildirib.
Dövlət başçısının sözlərinə görə, Ryazan vilayətində yerləşən neft emalı zavodu ilə yanaşı, Perm və Tatarıstandakı neft emalı müəssisələri də uzaqmənzilli raket və dron zərbələrinin hədəfi olub.
Bildirilib ki, sözügedən zərbələr Rusiyanın hərbi-sənaye potensialına zərər vurmaq məqsədi daşıyır.
Zelenski həmçinin Kursk vilayətində hücum məqsədli pilotsuz uçuş aparatlarının saxlanıldığı və buraxıldığı obyektlərin məhv edildiyini açıqlayıb.
Bundan əlavə, Qara dəniz akvatoriyasında yerləşən digər hərbi hədəfin də uğurla vurulduğu bildirilib.
