Tripolidə şiddətli toqquşmalar başlayıb.
"Operativ Məlumat Mərkəzi-OMM" xəbər verir kİ, bu barədə Liviyanın "Libya Press" agentliyi məlumat yayıb.
Tripolinin Milli Razılıq Hökumətinin Daxili İşlər Nazirliyi yerli əhalini öz evlərində qalmağa çağırıb.
“Daxili İşlər Nazirliyi Misrata Briqadasının dəstəklədiyi 444-cü Döyüş Briqadası ilə Təhlükəsizlik və Sabitliyin Qorunması Aparatı arasında davam edən toqquşmalara görə Tripolinin bütün sakinlərini evdə qalmağa və öz təhlükəsizlikləri üçün çölə çıxmamağa çağırır”, – agentlik Daxili İşlər Nazirliyindən sitat gətirir.
Məlumata görə, toqquşmalar baş qərargah rəisi Abdelqani əl-Kiklinin öldürülməsindən sonra başlayıb.
Toqquşmalarda ən azı 6 nəfər yaralanıb.
