ABŞ Prezidenti Donald Tramp bazar ertəsi Venesuela ilə bağlı növbəti addımları müzakirə etmək üçün Oval kabinetdə görüş keçirəcək.
"Operativ Məlumat Mərkəzi-OMM" xəbər verir ki, bu barədə CNN mənbələrə istinadən məlumat yayıb.
Telekanalın məlumatına görə, görüşə Pentaqonun katibi Pit Heqset , Birləşmiş Qərargah Rəisləri Komitəsinin sədri general Den Keyn, dövlət katibi Marko Rubio , Ağ Evin Baş Qərargah rəisi Syuzi Uayls və onun müavini Stiven Miller dəvət olunub.
Bir neçə gün əvvəl Tramp Venesuela üzərində və ətrafındakı hava məkanını aviaşirkətlər, narkotik tacirləri və insan qaçaqmalçıları üçün bağladığını elan etdi. Bu açıqlama Amerikanın Karib hövzəsində hərbi varlığının artması fonunda verilib.
