ABŞ Prezidenti Donald Tramp Ukraynadakı mövcud vəziyyətlə bağlı mühüm açıqlama verib.
"Operativ Məlumat Mərkəzi-OMM"-in xəbərinə görə, Ağ Ev rəhbəri tərəflərin münaqişənin dayandırılması istiqamətində ciddi irəliləyiş əldə etdiyini bildirib.
Trampın sözlərinə görə, Ukraynadakı hərbi qarşıdurma tezliklə öz həllini tapacaq. O, tərəflərin artıq bu məqsədə yaxınlaşdıqlarını vurğulayıb:
“Münaqişənin nizamlanması üçün diplomatik səylər artırılır. Tərəflər arasında ortaq məxrəcə gəlmə imkanları genişlənir. ABŞ bu prosesdə vasitəçilik rolunu davam etdirir”.
Qeyd edək ki, Donald Tramp dəfələrlə Ukrayna böhranını qısa müddətdə bitirə biləcəyini bəyan edib. Hazırda beynəlxalq ictimaiyyət Vaşinqtonun bu istiqamətdə atacağı növbəti addımları diqqətlə izləyir.
