Afət Ziyadqızı
ABŞ Prezidenti Donald Tramp Nebraskada tərəfdarları qarşısında çıxış edərkən İranla davam edən hərbi-siyasi qarşılıqlı gərginliklə bağlı növbəti sərt bəyanatlar səsləndirib.
"Operativ Məlumat Mərkəzi-OMM" xəbər verir ki, Ağ Ev rəhbəri İran üzərində "möhtəşəm qələbə" əldə etmək naminə Los-Anceles və San-Dieqo şəhərlərinin zərər görməsi riskini "çox kiçik qiymət" adlandırıb.
Tramp öz qiymətləndirmələrinə əsaslanaraq münaqişənin "demək olar ki, başa çatdığını" və tezliklə yekunlaşacağını iddia edib.
Təhlilçilərin fikrincə, Vaşinqtonun əsas strategiyası genişmiqyaslı müharibədən ziyadə, Hörmüz boğazı üzərindən iqtisadi blokada tətbiq etməklə Tehran rejimini çökdürməkdən ibarətdir. Tramp oktyabrın 3-də İranın nüvə silahı iddialarından geri çəkildiyini, neft qiymətlərinin sabitləşdiyini və Hörmüz boğazından neft daşınmasının davam etdiyini bildirsə də, eyni zamanda birbaşa danışıqlara açıq olduğunu vurğulayıb: "Məsələni yaxşı yolla da, pis yolla da həll edə bilərik".
Xatırladaq ki, 2026-cı il ərzində tərəflər arasında bir neçə dəfə atəşkəs elan edilsə də, bu razılaşmalar sonradan pozulub. İyul ayında Tramp atəşkəsin başa çatdığını və danışıqların vaxt kaybı olduğunu bəyan etmişdi. Sentyabrda isə Rusiya Prezidenti Vladimir Putin İran Prezidenti Məsud Pezeşkianla görüşərək tərəflər arasında daha əvvəl əldə olunmuş atəşkəs memorandumunun kövrək olduğunu diqqətə çatdırmışdı.
