Türkiyənin “Bursaspor” komandasında çıxış edən Azərbaycan millisinin futbolçusu Toral Bayramova bir neçə klubdan rəsmi təklif gəlib. Təkliflər Azərbaycan klublarından və başqa ölkələrin təmsilçilərindən daxil olub.
Bu barədə Türkiyə klubu AZƏRTAC-a məlumat verib. Bildirilib ki, 25 yaşlı müdafiəçiyə gələn təkliflər rəsmi xarakter daşıyır.
Birinci Liqada mübarizə aparan “Bursaspor” Bayramovu asanlıqla buraxmaq istəmir və futbolçudan daha yaxşı çıxış gözləyir. O, ötən yay “Qarabağ”dan Türkiyə klubuna keçib və “Bursaspor”la 2029-cu ilin iyun ayınadək müqavilə imzalayıb.