İran rəsmiləri ABŞ və İsrail tərəfindən həyata keçirilən hərbi zərbələrin Tehran üçün gözlənilməz olmadığını bildiriblər.
"Operativ Məlumat Mərkəzi-OMM" xəbər verir ki, bu barədə məlumatı "Al Jazeera" telekanalı yayıb.
Məlumata görə, rəsmi Tehran baş verən hücumlara mütləq şəkildə cavab verəcəyini vurğulayıb.
İran tərəfi qisas əməliyyatları üçün hər hansı bir zaman çərçivəsi müəyyən etməyəcəyini və bu məsələdə heç bir "qırmızı xətt" tanımayacağını qətiyyətlə ifadə edib.
Bölgədə gərginliyin pik həddə çatdığı bir vaxtda verilən bu bəyanat, İranın hərbi cavab tədbirlərinin miqyası ilə bağlı ciddi suallar doğurub. Rəsmi dairələr cavabın nə vaxt və hansı formada olacağı barədə əlavə təfərrüat verməsələr də, geri çəkilməyəcəklərini qeyd ediblər.
