Afət Ziyadqızı
Taliban liderləri və onlarla əlaqəli şəxslər 2025-ci ilin iyununda İsrailin hücumları və ardınca ABŞ-nin təhdidləri fonunda İrana dəstək ifadə ediblər.
"Operativ Məlumat Mərkəzi-OMM" xəbər verir ki, bu addım Tehranla uzunmüddətli fikir ayrılıqlarına baxmayaraq, məhdud və şərti yaxınlaşma kimi qiymətləndirilir.
Məlumata görə, tərəflər arasında tarixən mövcud olan məzhəb və siyasi ziddiyyətlər qalmasına baxmayaraq, Taliban rəsmilərinin son açıqlamaları regionda gərginliyin artdığı bir dövrdə İslam Respublikası ilə müəyyən birlik mesajı kimi dəyərləndirilir.
Bildirilib ki, iki tərəf arasında sərhəd toqquşmaları, Hirmand (Hilmənd) çayı üzərində su bölgüsü və Əfqan qaçqınlara münasibət kimi məsələlər üzrə fikir ayrılıqları hələ də tam həll olunmayıb və münasibətlərdə gərginlik saxlanılır.
