Suriya Demokratik Qüvvələri mülki əhalinin Şeyx Məqsud və Əşrəfiyyə bölgələrini tərk etməsinə icazə vermir və onlardan canlı qalxan kimi istifadə etmək niyyətindədir.
"Operativ Məlumat Mərkəzi-OMM" SANA-ya istinadən xəbər verir ki, bu barədə yerli hökumət orqanları bildirib.
Suriya ordusunun Əməliyyatlar Bölməsi bölgəni tərk etmək istəyən mülki şəxslərə atəş açmaması ilə bağlı SDQ-yə xəbərdarlıq edib.
Hökumət orqanları mülki şəxslərin təxliyəsi üçün humanitar dəhlizlərin aktiv olduğunu və ordunun insanların təhlükəsiz çıxışını təmin etmək üçün çalışdığını bəyan edib.
Məlumata görə, SDQ qüvvələrinin hücumları 5 mülki şəxsin ölümünə və 30 nəfərin xəsarət almasına səbəb olub.
Bundan başqa əhalinin şəxsi əmlakına ciddi ziyan dəyib.
Suriya ordusu SDQ qüvvələrinin hücumlara davam etdiyini bildirir.
