ABŞ Suriya Müdafiə Nazirliyinin Hələbin kürd bölgələrində elan etdiyi atəşkəsi alqışlayır.
"Operativ Məlumat Mərkəzi-OMM" xəbər verir ki, bu barədə ABŞ-nin Suriya üzrə xüsusi elçisi Tom Barak deyibş
O, bildirib ki, ABŞ Hələbin Əşrəfiyə və Şeyx Məsud məhəllələrində gecə ərzində əldə edilən müvəqqəti atəşkəsi alqışlayır və bu vacib fasiləni mümkün edən təmkin və xoşməramlılığa görə bütün tərəflərə - Suriya hökumətinə, Suriya Demokratik Qüvvələrinə, yerli hakimiyyət orqanlarına və icma liderlərinə dərin minnətdarlığını bildirir.
Tom Barak yaxın gələcəkdə daha uzun müddətli sakitlik və daha dərin dialoqa ümid etdiyini bildirərək, qarşıdurma əvəzinə əməkdaşlığın vacibliyini vurğulayıb.
