OMM Redaksiyası
“Sportinq”in baş məşqçisi Rui Borjes vəzifəsini tərk edib. A Bola və digər Portuqaliya nəşrlərinin məlumatına görə, klub rəhbərliyi Borjeslə görüşdən sonra onunla əmək müqaviləsinə xitam verilməsi barədə danışıqlara başlayıb.
Baş məşqçinin vəzifələrini müvəqqəti olaraq Tiaqo Fernandeş icra edəcək. Klubun yeni baş məşqçinin adını yaxın vaxtlarda açıqlaması gözlənilir.
Fabrizio Romano və A Bola daha əvvəl “Sportinq”in növbəti baş məşqçisinin hazırda Fransanın “Lion” klubuna rəhbərlik edən Paulo Fonseka ola biləcəyini yazıb. Hər iki komanda öz ölkələrinin çempionatlarında hazırda üçüncü pillədə qərarlaşıb.
Portuqaliya nəşrlərinin istinad etdiyi “Sportinq”in rəsmi saytı ötən axşamdan bəri açılmır. Buna görə klubun orada yayımladığı açıqlamanı yoxlamaq mümkün olmayıb.
