OMM Redaksiyası
Azərbaycan millisinin futbolçusu Ramil Şeydayevin çıxış etdiyi “Soçi” Rusiya Birinci Liqasının 15-ci turunda səfərdə “Tekstilşik”ə 3:1 hesabı ilə qalib gəlib.
Hesabı 8-ci dəqiqədə meydan sahiblərinin oyunçusu Aleksandr Pomalyuk açıb. “Soçi” 13-cü və 63-cü dəqiqələrdə Mixail İqnatovun qolları ilə önə keçib. Zaxar Fyodorov 67-ci dəqiqədə penaltini dəqiq yerinə yetirərək yekun hesabı müəyyənləşdirib. Pomalyuk isə ikinci hissədə penaltidən yararlana bilməyib.
Ehtiyat oyunçular skamyasında başlayan Şeydayev 75-ci dəqiqədə Fyodorovu əvəzləyib.
Bu, “Soçi”nin cari mövsümdə hesabda geri düşdükdən sonra qazandığı dördüncü qələbədir. Komanda xallarını 32-yə çatdıraraq turnir cədvəlinin ikinci pilləsində qərarlaşıb.
