Şifa xəstəxanasının həyətində yığılan cəsədlər təhlükə mənbəyinə çevrilib

Fələstinin Qəzza zolağının səhiyyə nazirinin müavini Yusif Əbu ər-Riş İsrail hərbçiləri tərəfindən mühasirəyə alınan Şifa xəstəxanasının həyətində yüzlərlə cəsədin yığıldığını və bunun epidemiyanın xəbərçisi olduğunu qeyd edib.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Fələstin səhiyyə nazirinin müavini Əbu ər-Riş jurnalistlərə açıqlamasında deyib.

“Qəzza zolağının ən böyük xəstəxanası olan Şifa Tibb Kompleksində vəziyyət çox təhlükəlidir. İnsanlar xəstəxananı tərk etmək məcburiyyətində qalırlar. Biz dəfələrlə tələb etmişik ki, xəstələrimiz xəstəxanadan çıxarılarkən onların təhlükəsizliyi təmin edilsin”,- deyə Əbu ər-Riş açıqlama verib.