OMM Redaksiyası
“Sevilya”nın baş məşqçisi Luis Qarsiya Plasa İspaniya çempionatının 9-cu turunda “Real Madrid”ə 1:4 hesabı ilə məğlub olduqları oyundan sonra hakimliyi tənqid edib.
Məşqçinin sözlərinə görə, komandalar bərabər sayda oyunçu ilə mübarizə apararkən “Real Madrid” qələbəyə layiq olub. Bununla belə, Plasa hesab edir ki, hakim 25-ci dəqiqədən etibarən “Sevilya”nın rəqibə qarşı say üstünlüyü qazanmasına imkan verməyib və “Real Madrid”in ikinci qolundan əvvəl qayda pozuntusu qeydə alınmalı idi.
“Bəlkə də yenə qalib gələ bilməzdik, amma 0:0 hesabında çoxluqda oynamalı idik. VAR-ın hakimi həmin epizoda baxmağa çağırmamasını anlamıram. Bəlkə də, qələbəmizdən sonra “Real Madrid” “El-Klasiko” öncəsi “Barselona”dan doqquz xal geri qalacaqdı”, – Plasanın sözlərini Footmercato yayıb. O, İspaniya futbolunun üç böyük klubunun ən çox şikayət edənlər olduğunu da bildirib.
Matçda Arda Gülər 30-cu, Kilian Mbappe 37-ci və 63-cü dəqiqələrdə, Diomande 82-ci dəqiqədə fərqlənib. “Sevilya”nın yeganə qolunu 80-ci dəqiqədə Bueno vurub.
Doqquz turdan sonra “Sevilya” 14 xalla turnir cədvəlinin altıncı, “Real Madrid” isə 21 xalla üçüncü pilləsində qərarlaşıb.
