OMM Redaksiyası
“Real Madrid” İspaniya çempionatının 9-cu turunda “Sevilya”nı 4:1 hesabı ilə üstələyib. Oktyabrın 18-də keçirilən görüş Bakı vaxtı ilə saat 23:00-da başlayıb.
Arda Gülər 30-cu dəqiqədə hesabı açıb. Kilian Mbappe 37-ci və 63-cü dəqiqələrdə fərqlənərək dubl edib. “Sevilya”nın yeganə qolunu 80-ci dəqiqədə Bueno vurub, iki dəqiqə sonra Diomande “Real Madrid”in dördüncü qoluna imza atıb.
Mbappe “Sevilya” ilə keçirdiyi son beş oyunun dördündə qol vurub. Fransalı hücumçunun bu rəqibə qarşı beş matçda ümumilikdə beş qolu və bir məhsuldar ötürməsi var. Qolsuz qaldığı yeganə görüş 2025/2026 mövsümünün İspaniya çempionatının 37-ci turunda baş tutub: həmin qarşılaşmada “Real Madrid” 0:1 hesabı ilə uduzub.
27 yaşlı Mbappe cari mövsümdə bütün turnirlərdə keçirdiyi 11 oyunda 11 qol vurub və üç məhsuldar ötürmə edib. Hücumçu “Qızıl top”u qazanmağa əsas namizədlərdən biri hesab olunur.
