Səudiyyə Ərəbistanında helikopter qəzası: iki ekipaj üzvü həlak olub

Səudiyyə Ərəbistanının Nəcran bölgəsində “AH-6i” helikopteri texniki nasazlıq səbəbindən qəzaya uğrayıb, iki ekipaj üzvü həlak olub. Səudiyyə koalisiyasının sözçüsü, briqada generalı Türki əl-Maliki bazar günü yaydığı açıqlamada bu barədə məlumat verib.

Açıqlamada helikopterin Səudiyyə Milli Qvardiya Nazirliyinin yurisdiksiyasında olan ərazidə qəzaya uğradığı bildirilib.

Yəməndə fəaliyyət göstərən husilərin hərbi sözçüsü Yəhya Səriə şənbə günü “X” platformasında paylaşım edərək, qrupun qüvvələrinin Nəcran yaxınlığında Səudiyyə Ərəbistanına məxsus “Apache” helikopterini vurduğunu iddia edib. Onun sözlərinə görə, helikopter sərhəd boyunca husilərin mövqelərinə qarşı “düşmənçilik fəaliyyəti” həyata keçirirdi.

İki tərəfin eyni helikopterdən danışıb-danışmadığı aydın deyil.