OMM Redaksiyası
“Çelsi”nin qapıçısı Emiliano Martines çənə sınığına görə ən azı 40 gün yaşıl meydanlardan kənarda qalacaq. Bu barədə X sosial şəbəkəsində 500 mindən çox izləyicisi olan jurnalist Sezar Luis Merlo məlumat verib.
Artıq əməliyyat olunan argentinalı qolkiper həm klubunun, həm də milli komandanın oyunlarını buraxacaq.
Martines İngiltərə Premyer Liqasının 7-ci turunda “Everton”la matçda zədələnib. Oktyabrın 17-də keçirilən qarşılaşma “Çelsi”nin 2:0 hesablı qələbəsi ilə başa çatıb.
İkinci hissədə cərimə zərbəsindən edilən ötürmədən sonra qapıçı rəqib komandanın müdafiəçisi Cərred Brantveytlə toqquşub. Martinesə uzun müddət meydanda tibbi yardım göstərilib, daha sonra o, xərəkdə meydandan çıxarılaraq xəstəxanaya aparılıb.
