OMM Redaksiyası
İranın "İslam İnqilabı Keşikçiləri Korpusu" (SEPAH) İsrailin "Nevatim" və "Tel Nof" hərbi hava bazalarına qarşı cavab tədbirləri çərçivəsində hücumlar həyata keçirdiyini açıqlayıb.
"Operativ Məlumat Mərkəzi-OMM" xəbər verir ki, məlumatı İranın yarı-rəsmi "Fars" xəbər agentliyi yayıb.
Rəsmi Tehranın yaydığı açıqlamaya görə, bu hərbi əməliyyat İsrailin İran ərazisindəki radar qurğularına endirdiyi zərbələrə cavab xarakteri daşıyır.
SEPAH rəsmiləri bildiriblər ki, həyata keçirilən hücumlar ölkənin təhlükəsizliyinə qarşı atılan addımların qarşılığını vermək məqsədi güdür.
