OMM Redaksiyası
2026/2027-ci illər mövsümünə hazırlıqlarını davam etdirən “Səbail” heyətinə yeni futbolçu cəlb edib. Paytaxt təmsilçisi Sərtan Taşkınla müqavilə imzalayıb.
Azərbaycan millisində də çıxış etmiş müdafiəçi ilə 1+1 illik sözləşmə bağlanıb. 28 yaşlı futbolçu son olaraq Türkiyənin “Serik Spor” klubunda oynayıb.
Taşkın karyerası ərzində “Keşlə”, “Sumqayıt”, “Zirə” və “Turan Tovuz” klublarının formasını geyinib. O, Türkiyədə “Manisa”nın heyətində də çıxış edib.
Müdafiəçi Azərbaycan Premyer Liqasında 193 oyunda meydana çıxıb və 13 qol vurub. “Səbail” yeni mövsüm öncəsi heyətini gücləndirmək üçün Taşkınla müqavilə bağlayıb.
