Əsas məzmuna keç

"Samsung"un on minlərlə işçisi kütləvi etiraz aksiyası keçirib

"Samsung"un on minlərlə işçisi kütləvi etiraz aksiyası keçirib

Cənubi Koreyanın Pxyontek şəhərində "Samsung" şirkətinin 40 minə yaxın əməkdaşı bonusların artırılması tələbi ilə mitinq keçirib.

en ru

Cənubi Koreyanın Pxyontek şəhərində yerləşən "" yarımkeçiricilər zavodunun yaxınlığında şirkətin on minlərlə işçisi kütləvi oturaq tətilə başlayıb.

"Operativ Məlumat Mərkəzi-OMM" "Reuters" agentliyinə istinadən xəbər verir ki, aksiyada təxminən 40 min nəfər iştirak edir ki, bu da tarixindəki ən böyük nümayiş hesab olunur.

İşçilərin əsas tələbləri və narazılıqları aşağıdakılardır:

  • Şirkətin illik əməliyyat mənfəətinin (təxminən 30 milyard dollar) 15%-i həcmində bonusların ödənilməsi.
  • Rəqib "SK Hynix" şirkəti ilə müqayisədə mükafat ödənişlərindəki böyük fərqin aradan qaldırılması. Qeyd edək ki, "SK Hynix" hazırda "Nvidia" üçün çiplərinin tədarükündə "Samsung"u qabaqlayır.
  • Hazırda illik baza maaşının 50%-ni təşkil edən mükafat limitinin ləğv edilməsi.

Həmkarlar ittifaqının məlumatına görə, tələblər yerinə yetirilməyəcəyi təqdirdə, işçilər mayın 21-dən iyunun 7-dək davam edəcək 18 günlük tətilə başlamaqla hədələyirlər. Şirkət rəhbərliyi isə hələlik əməliyyat mənfəətinin yalnız 10%-ni əməkhaqqı fondu kimi təklif edib.

Hazırda "Samsung" rəhbərliyi həmkarlar ittifaqı ilə danışıqları davam etdirir. Çünki istehsalın qısa müddətli dayanması belə süni intellekt çiplərinin istehsalını ciddi təhlükə altına sala bilər.

OMM Bot · Bu gün ən çox oxunan 5 xəbəri göstərim?

Müəllif

Redaksiya heyəti

Bütün yazıları ›
Növbəti xəbər yüklənir…