ABŞ prezidenti Donald Trampın imzaladığı fərman çərçivəsində ölkənin 185 ticarət tərəfdaşına tariflərin tətbiqi nəzərdə tutulsa da, Rusiya bu siyahıya daxil edilməyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp bu gündən etibarən ABŞ-nin digər ölkələrə qarşılıqlı tariflər tətbiq edəcəyini və əsas tarif dərəcəsinin yüzdə 10 olacağını açıqlayıb.
Ağ Evin sözçüsü Karoline Leavitt, Axios xəbər saytına verdiyi açıqlamada, ABŞ-nin Rusiyaya qarşı sanksiyalarının artıq vacib ticarəti əngəllədiyi üçün siyahıya daxil edilmədiyini söylədi.
ABŞ Ticarət Departamentinin məlumatına görə, Rusiya ilə ABŞ arasında ticarət Ukrayna-Rusiya müharibəsindən əvvəlki dövrlə müqayisədə xeyli azalıb.
