"Rusiya kütləvi səfərbərlik həyata keçirməyi planlaşdırmır, buna ehtiyac yoxdur".
“Operativ Məlumat Mərkəzi-OMM” xəbər verir ki, bu sözləri Rusiyanın BMT-dəki daimi nümayəndəsi Vasili Nebenzya deyib.
“Hazırda bizim kütləvi səfərbərliyə ehtiyacımız yoxdur. Bildiyim qədərilə belə bir səfərbərlik planlaşdırılmır və gözlənilmir”, - Nebenzya bildirib.
O, həmçinin rusiyalı kişilərin kütləvi şəkildə ölkəni tərk etməsi ilə bağlı məlumatları təkzib edib.
Qeyd edək ki, bundan əvvəl Ukrayna Prezidenti Volodimir Zelenski kəşfiyyat məlumatlarına əsasən Rusiyanın sentyabrda keçirilməsi planlaşdırılan parlament seçkilərindən sonra hərbi səfərbərliyə hazırlaşdığını bildirmişdi.
