Afət Ziyadqızı
Moskva nüvə tərksilahı məsələlərində Vaşinqtonla danışıqlara hazırdır, lakin ABŞ-ın müttəfiqləri - Böyük Britaniya və Fransanın atom potensialını nəzərə almaq lazımdır.
"Operativ Məlumat Mərkəzi-OMM" xəbər verir ki, bu barədə Rusiya prezidentinin mətbuat katibi Dmitri Peskov bildirib.
“Bütün dünyanın maraqları, ölkələrimizin xalqlarının maraqları naminə, əlbəttə ki, biz bu danışıqlar prosesinə ən qısa zamanda başlamaqda maraqlıyıq”, - Kreml nümayəndəsi vurğulayıb.
“İndiki şəraitdə təbii ki, bütün nüvə potensialını nəzərə almaq lazımdır. Məsələn, söhbəti davam etdirmək və Fransa və Böyük Britaniyanın nüvə potensialını nəzərə almamaq mümkün deyil. Hazırkı reallıqlar belə bir ehtiyacı diktə edir”, - Peskov əlavə edib.
