ABŞ dövlət katibi Marko Rubio ABŞ-ın girovlarla bağlı xüsusi nümayəndəsi Adam Boehler ilə HƏMAS lideri Xəlil əl-Həyya arasında keçirilən görüşün “birdəfəlik” olduğunu deyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Rubio Ukrayna rəsmiləri ilə görüşmək üçün Səudiyyə Ərəbistanının Ciddə şəhərinə getdiyi təyyarədə jurnalistlərə açıqlamalar verib.
Rubio bildirib ki, Boehlerin Qətərdə HƏMAS rəsmiləri ilə görüşü və ABŞ vətəndaşı əsirlərin azad edilməsini müzakirə etməsi "birdəfəlik" vəziyyətdir.
"Əsas diqqətimiz Qətərdəki prosesdir və bu prosesdə ABŞ prezidenti Donald Trampın xüsusi nümayəndəsi Steve Vitkoff da iştirak edir", - deyə o bildirib.
Rubio həmçinin HƏMAS-ı bütün girovları azad etməyə çağırdığını təkrarlayıb.
Vitkoff Qətərin paytaxtı Dohada girovların azad edilməsi və mümkün atəşkəsi əhatə edən yeni razılaşma üçün danışıqlar aparacaq.
