"Tottenhem"in mərkəz müdafiəçisi Miki van de Ven Avropanın aparıcı klublarının diqqət mərkəzində qalmaqda davam edir.
"Operativ Məlumat Mərkəzi-OMM" xarici KİV-ə istinadən xəbər verir ki, niderlandlı futbolçunun xidmətində maraqlı olan komandalar arasında "Barselona" və "Liverpul"un adları hallanır.
"Tottenhem"in baş məşqçisi Roberto De Zerbi 25 yaşlı müdafiəçini transfer bazarında "toxunulmaz" hesab edir.
İtaliyalı mütəxəssis Van de Veni komandanın gələcək layihələrinin əsas fiqurlarından biri kimi görür.
Qeyd edək ki, analoji vəziyyət Pedro Porro ilə də yaşanmışdı. Top-klubların marağına baxmayaraq, Porro müqaviləsini yeniləyərək komandada qalıb.
Mütəxəssislərin fikrincə, Miki van de Venin də bu yay transfer olunması ehtimalı olduqca aşağıdır.
Xatırladaq ki, "Transfermarkt" portalı futbolçunun bazar dəyərini 50 milyon avro olaraq qiymətləndirir.
