Yunanıstan futbolunda gərgin günlər yaşanır.
“Operativ Məlumat Mərkəzi-OMM” İspaniya mediasına istinadən xəbər verir ki, “Panathinaikos”un baş məşqçisi Rafa Benitez işini itirə bilər.
Rəhbərlik ispaniyalı mütəxəssisi vəzifəsindən kənarlaşdırmağa hazırlaşır.
Ötən ilin oktyabr ayında komandanı çətin vəziyyətdən çıxarmaq missiyası ilə gətirilən Benitez, gözlənilən nəticələri verə bilməyib. Klub rəhbərliyinin səbri artıq tükənmək üzrədir.
Məlumata görə, UEFA Avropa Liqasının pley-off mərhələsində “Viktoriya Plzen”ə qarşı keçiriləcək oyun təcrübəli məşqçi üçün "son şans" rolunu oynayacaq. Əgər Avropa arenasında dərhal müsbət reaksiya verilməsə, Benitezin gedişi qaçılmaz olacaq.
Yunanıstan mətbuatı iddia edir ki, "Panathinaikos" artıq İqor Bişkan ilə ilkin razılıq əldə edib. Maraqlı təsadüf ondan ibarətdir ki, xorvatiyalı mütəxəssis vaxtilə "Liverpul"un "qızıl dövründə" Benitezin yetirməsi olub. İndi isə keçmiş şagird öz müəlliminin postunu əlindən almağa namizəddir.
"Panathinaikos" rəhbərliyi bu kəskin dəyişikliklə mövsümün qalan hissəsini xilas etməyi və komandanın oyununda radikal dönüş yaratmağı hədəfləyir. Benitezin rəhbərliyi altında vəziyyətin yaxşılaşmaması, klubun yeni bir yol xəritəsi çəkməsini zəruri edib.
