Səkkiz gün ərzində minlərlə insanın olduğu Şifa Xəstəxanasına yalnız 400 nəfərlik qidanın girməsinə icazə verildiyi bildirilib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Qəzza Səhiyyə Nazirliyinin sözçüsü Əşrəf əl-Qudranın verdiyi yazılı açıqlamada qeyd olunub.
"İsrailin mühasirəsində olan Əl-Şəfa xəstəxanasında 7 mindən çox insanımız var. Qəbul edilməsinə icazə verilən qida miqdarı yalnız 400 nəfərə bəsdir. Xəstəxanada olan xəstələr aclıq və ağrıdan əziyyət çəkir".
