Livanda ölənlərin sayı 4387-yə çatdı

Livanın cənubunda son 24 saat ərzində azı bir nəfər həlak olub.

“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.

Bildirilib ki, İsrail qüvvələri bölgədə "Hizbullah"a qarşı əməliyyatlarını davam etdirir.

Qeyd olunub ki, martın 2-də hərbi eskalasiyanın başlanmasından indiyədək həlak olan mülki şəxslərin sayı 4 387-yə, yaralıların sayı isə 12 424-ə çatıb.

Səhiyyə Nazirliyinin məlumatına görə, oktyabrın 11-də günün ikinci yarısında İsrail Hərbi Hava Qüvvələri Nəbatiyyə əyalətində yerləşən Kfar-Tibnit və Tallusa şəhərlərinə zərbələr endirib.

Bundan başqa, İsrail artilleriyası Beyt-Lif, Məcdəl-Zun və Yater yaşayış məntəqələrinin ətrafındakı əraziləri atəşə tutub.

Yerli hakimiyyət orqanları hələlik hücumların nəticələri barədə məlumat verməyib.