"Qarabağ" klubu dünya reytinqində doqquz pillə irəliləyərək mövqeyini möhkəmləndirib.
"Operativ Məlumat Mərkəzi-OMM" xəbər verir ki, bu irəliləyiş Beynəlxalq Futbol Tarixi və Statistikaları Federasiyasının (IFFHS) açıqladığı ən son siyahıda əksini tapıb.
Ağdam təmsilçisi olan "Köhlən atlar" aktivindəki 200 xalla dünya klubları arasında 60-cı sırada qərarlaşıb.
Azərbaycanın digər təmsilçilərindən "Sabah" (96 xal) uğurlu nəticə ilə 224-cü yerdən 211-ə yüksəlib. Lakin digər klublardan "Zirə" (63 xal) 389-cu mövqedən 418-ə, "Araz-Naxçıvan" (59 xal) isə 456-dan 468-ci pilləyə geriləyib.
Ümumilikdə 502 klubun yer aldığı reytinq cədvəlinə Fransanın PSJ klubu (595 xal) liderlik edir.
